.
ــــ( كلمات الآغنية )ــــ
مطلوق سراحك يا طوير وين ماتريد اتعدّي عدّي
ومطلوق جناحك يا طوير وين ماتريد اتهدّي هدّي
وربّيتك على يدّي ربّيتك على ودّي
وغاليتك غلا فوق الغلا من جِدّي
وغاليتك غلا فوق الغلا اللي عندي
ومطلوق سراحك ياطوير
وين ماتريد اتعدّي عدّي
مطلوق سراحك
طير وغنّي في مسراحك
في وسط الخاطر مطراحك
وقت اتهدّي
عالغصن وغصنك هو يدي
مطلوق و طير
وعدّي بـالشوق مشاوير
وكيف تعطش تورد عـلى البير
وهادي يدّي
تسقيك مناهل من ودّي
مطلوق بكيفك
يا طويراً خايل توصيفك
لكن ماتنساش وليفك
وين ماتعدّي
ماتلقاش مثيل لودّي
