.
ــــ( كلمات الآغنية )ــــ
البارح منامى جـــــــاب حلو لباسه
وجايب على اثر الموح طولة ياسه
منامى جابه
نظيف العضا مشكاى سمح اوجابه
الموح باعـــــده عنى و ذقت عذابه
فراقه اللى حبه الخاطـــــــــر هاسه
جابه ليـــــا
الغالى اللى واجد عزيز عليا
معاى قبل ناره خامدة مطفية
تحايت ومنها المر قلبى قاسه
جاب اولافي
اللى وين نطريهم يزيد اريــــــــافي
من يوم باعدوا والعقل ماهو صافي
عليهم مرايــــــــــف حالتي منهاسه
جابلى مواله
وخلى دموعي نــــازلة منهالة
تمناه قلبى من كبيــــــر اهباله
ويعود له ماضيه سمح أنفاسه
جاب زويله
اللى قبـــــــــل عينى بسرها تشكيله
يا طــــــــول ما جانى و أنا نمشيله
وياطول ما شربت الهوى من كاسه
ــــ( برول )ــــ
يا عيني اللي في النــــــــوم ايجوك
امغير شقوك و قلوه هناك و ضّلوك
وان الترقيد
عليك يلفوا و الشوق يزيد
غلاهم من الخاطر ما يبيد
اللي خفّوك
عليهم عــار انهم نسيوك
قلوه هناك
أولافك هم أسبــــــاب شقاك
عليك صعبوا يا طول رجاك
اللي لاعوك
عليك ويــــــــن يلفوا يشقوك
نومك قلوه
و عقلك يا عيني خفوه
اعزاز اللي فى النوم ايجوه
بنار كووك
سمرتي وبالدمعة بكـــــوك
